काठमाडौं ,सर्वोच्च अदालतले नेपाल बीमा प्राधिकरणको अध्यक्षमा पुनः शरद ओझालाई नै अध्यक्षको हैसियतमा काम गर्न दिन अल्पकालिन अन्तरिम आदेश जारी गरेको छ ।
यही भदौं २२ गते ओझाले प्रधानमन्त्री तथा मन्त्रिपरिषदको कार्यालय, अध्यक्ष ओझामाथि गठित छानविन समिति र नयाँ अध्यक्ष नियुक्तीका लागि गठित समितिका विरुद्धमा सर्वोच्च अदालतमा रिट दर्ता गराएका थिए ।
सर्वोच्च अदालतकी न्यायाधीश शारंगा सुवेदीले ओझालाई पूर्ववत रुपमा अध्यक्षको हैसियतमा काम गर्न अल्पकालिन अन्तरिम आदेश जारी गरिदिएकी हुन् ।
सर्वोच्च अदालतको आदेशपछि बीमा प्राधिकरणमा पुनः शरद ओझाले नै अध्यक्षको हैसियतमा काम गर्न जानेछन् । उनी सर्वोच्च आदेश पाउने वित्तिकै सिधैं बीमा प्राधिकरणमा पुगेर पदभार सम्हाल्नेछन् ।
ओझाका विरुद्धमा सर्वोच्च अदालतमा यसअघिका दुई मुद्दा बिचाराधिन अवस्थामै रहेका छन् ।