बैतडी- बैतडीको दशरथचन्द नगरपालिकाकी उपप्रमुख कौशीला चन्दले आफुले जातीय विभेद गर्ने किसिमले अभिव्यक्ति नदिएको बताएकी छिन् । आज एक विज्ञप्ती जारी गरेर उनले म ठकुरीकी छोरी हुँ दलीतले छोएको खान्न भन्ने खालको अभिव्यक्ति आफुले नदिएको बताएकी हुन् ।
जेठ २१ गते अयोजित कार्यक्रममा मैले कुनै खालको जातीय भेदभाव गर्ने किसिमले अभिव्यक्ति नदिएको प्रष्ट पारेकी छिन् । सार्वजनिक पदधारण गरेकी म जिम्मेवार उपप्रमुख भएको नाताले यस्तो प्रकृतिको अभिव्यक्तिको परिकल्पना समेत गर्न सक्दिन उनले विज्ञप्ती मार्फत भनेकी छिन् ।
कार्यक्रममा सहभागी भएको १० दिन पछाडी सुनियोजित रुपले मेरो सार्वजनिक छबि माथि आँच आउने किसिमले झुटा समाचार सम्प्रेषण गरेर जनतालाई भ्रमित पार्न खोजेको उपप्रमुख चन्दको भनाई छ । मेले गर्दै नगरेका कुराको समचार बनाउन लगाएर,बनाएर बदनाम गर्न खोजिएको उनले बताइन् ।
कसैको सवतन्त्रलाई कसैले अपहरण गर्न नसक्ने भन्दै उनले आफुले उक्त प्रकृतिको अभिव्यक्ति दिएको ठहरीए कानून बमोजिम कारबाही भोग्न तयार रहेको समेत विज्ञप्तीमा उल्लेख गरेकी छिन् ।
उपप्रमुख चन्दले जातीय विभेद गर्ने खालको कुरा गरेको भन्दै अहिले आलोचना भैरहेकोछ दलीत अधिकारकर्मीहरुले जातीय विभेद भएको भन्दै प्रमुख जिल्ला अधिकारीलाई ज्ञापन पत्र समेत बुभाएका छन् । 