धनगढी । गरिमा विकास बैंक लिमिटेड शाखा कार्यालय धनगढीले १५ औँ वार्षिकोत्सव अवसरमा रक्तदान कार्यक्रम गरेको छ । रक्तदान, जीवनदान भन्ने नारासहित बैंकले मंगलबार धनगढीमा रक्तदान कार्यक्रम सम्पन्न गरेको हो ।
अस्पतालमा हुने रगत अभावलाई मध्येनजर गर्दै बैंकले आयोजना गरेको रक्तदान कार्यक्रममा ३२ पोइन्ट रगत संकलन भएको बैँकका शाखा प्रमुख यादव प्रसाद पन्त जानकारी दिए ।
सामाजिक उत्तरदायित्व वहन गर्दै रक्तदान कार्यक्रमको आयोजना गरिएको उनले बताए । आफ्नो १५ औँ वार्षिकोत्सवको अवसरमा देशभरका २१ वटा शाखामा बैंकले रक्तदान कार्यक्रम सम्पन्न गरेको हो ।