पर्भात अनाराई न्वालाहै पानी ल्याउन्थिन मेरी इजा
गाइ दुनाइलाइ बाच्छो खोइबर प्याउन्थिन मेरी इजा।
मेरो चेलो पढिबर ठूलो मान्छ बनलो भण्णे आशाले
ख्वाइ चुठाइबर स्कुल जानाइ बट्याउन्थिन मेरी इजा।
निका बाटा लाग्दु पडन्छ खराब कर्म जन अरेइ भणी
बिगाड अरेबर नैअद्दुहो भणी सम्झाउन्थिन मेरी इजा।
म मरेबर मेरी क्रिया अरलै बा तेरो ब्रत अरन्छु भणी
बिरामी बढेका बेला मलाइ अत्याउन्थिन मेरी इजा।
मेरो तिमीलाको फूल भणीबर भौत माया अरन्थिन
अच्याल सुइना आइबर मुख मसारन्छिन मेरी इजा।
दुखारिको दुखी हुने रैछ जिन्दगानी भणन्थे कठै१
बिपत्ति पडेका बेला अगि पछि हुन्छिन मेरी इजा।
और चिज सबै पाइने जन्मदिनेइ महतारी मुस्किल
सम्झनाका झल्का लाइबर रुवाउन्छिन मेरी इजा।